Оғози омодагиҳо ба гузашти низомӣ бахшида ба 25-солагии таъсисёбии Гвардияи миллӣ

Наздики 6 ҳазор нафар сарбозону афсарони гарнизони пойтахт ба омодагӣ ҷиҳати гузаронидани гузаштаи навбатии ҳарбӣ оғоз намуданд.

Тавре ба “Азия-Плюс” хабар медиҳад, сафороии низомӣ ба муносибати 25-умин солгарди таъсисёбии Гвардияи миллии Тоҷикистон рӯзи 4 сентябр доир мегардад.

Сафороӣ дар Гвардияи миллӣ баргузор шуда, дар он Сарфармондеҳи олии Қувваҳои мусаллаҳи Тоҷикистон, генерали артиш, Сарвари давлат муҳтарам Эмомалӣ Раҳмон ҳузур хоҳад дошт.

Дар ин гузашти низомӣ сафарбарии техникаи ҳарбӣ дар назар дошта нашудааст.

Гвардияи миллии Тоҷикистон моҳи сентябри соли 1995 таъсис дода шуда, он замон онро гвардияи президентӣ ном мебурданд.

Моҳи январи соли 2004 ба Гвардияи миллӣ табдили ном кард.

20 ноябри соли 2013 бо Фармони Президенти кишвар генерал-майор Бобоҷон Ҷамолзода, собиқ фаромндеҳи яке аз қисмҳои ҳарбии Гвардияи миллӣ фармондеҳи Гвардияи миллии Тоҷикистон таъин шуд.

Гвардияи миллии Тоҷикистон воҳиди мустақили таъиноти махсуси ҳарбӣ буда, бевосита ба Президент ва Сарфармондеҳи олии Қувваҳои мусаллаҳи ҷумҳурӣ тобеъ мебошад.

 

 

 

 

Добавить комментарий

WP Radio
WP Radio
OFFLINE LIVE