Коршинос: ҳеҷ кас аз сирояти дубораи коронавирус эмин нест

Коронавируси нав комилан нопадид намешавад, балки ба патогене мавсимӣ мубаддал хоҳад шуд, гуфт Татяна Ружентсова, мудири шӯъбаи тадқиқоти клиникии Институти марказии илмии Роспотребнадзор.

Ҳамзамон, коршинос истисно накард, ки бо мурури замон сироят шиддатнокии худро гум мекунад.

“Бо наздик омадани тирамоҳ ва ҳавои нам, мо барои хуруҷи беморӣ омодагӣ мебинем. Ин як амри маъмулист, аммо илова кардани вируси нав, албатта, хуб нест”,- гуфт Ружентсова ва қайд кард, ки табибон омодаанд ба муқобили ин беморӣ муқовимат кунанд.

Ҳамзамон, коршинос қайд кард, ки одамоне, ки қаблан гирифтори коронавирус буданд, аз сирояти дубора эмин нестанд.

“Ҳолатҳои сирояти дубора вуҷуд доранд. Ин метавонад  дар пайи суст шудани масуният рӯй диҳад. Дар баъзе беморон антителаҳо пас аз беморӣ тавлид намешаванд ё пас аз чанд моҳ гум мешаванд. Сироят бо вируси навъи дигар низ имконпазир аст. Чунин ҳолатҳо каманд, аммо вуҷуд доранд “, – қайд кард Ружентсова.

Вай афзуд, ки коршиносон то ҳол дар бораи ду навъи коронавирус ва мутатсияҳои хурд дар ҳар як намуд огоҳанд.

Агар бемор ё ихтиёриёне, ки  ваксина гирифтанд, антитела ба навъе дошта бошанд, онҳо бар зидди мутатсияҳои дигар низ амал мекунанд.

sputnik-tj.com