Аз аввали соли равон дар шаҳри Конибодом 90 километр роҳҳои дохилӣ мумфарш карда шуд
Дар идомаи корҳои мумфаршкунӣ бо иштироки Раиси вилояти Суғд Раҷаб Аҳмадзода мумфаршкунии кӯчаи Ҳоҷӣ Содиқ бо дарозии 1000 метр ва паҳноии 6 метр оғоз гардид. Дар ин бора Хадамоти матбуотии Раиси вилояти Суғд иттилоъ медиҳад.
Ҳукумати Ҷумҳурии Тоҷикистон таҳти роҳбарии Пешвои миллат муҳтарам Эмомалӣ Раҳмон барои фароҳамсозии шароити арзанда ба сокинон пайваста тадбирҳои заруриро амалӣ менамояд. Боиси хурсандист, ки дар иҷрои корҳои хайру савоб саҳми сокинону соҳибкорон низ назаррас буда, имрӯзҳо дар саросари вилоят бо иқдому ташаббусҳои бевоситаи сокинон садҳо километр роҳи деҳаҳо мумфарш карда шудааст.
Сокинони бо нангу номуси шаҳри Конибодом низ дар иҷрои корҳои созандагӣ фаъол буда, дар ободонии маҳал саҳми арзанда мегузоранд.
