Дар меҳмонхонаи «Ҳаят Реҷенси»-и шаҳри Душанбе Конфронси байналмилалии илмӣ-амалӣ таҳти унвони «35-солагии Истиқлолияти давлатии Ҷумҳурии Тоҷикистон:

Дар меҳмонхонаи «Ҳаят Реҷенси»-и шаҳри Душанбе Конфронси байналмилалии илмӣ-амалӣ таҳти унвони «35-солагии Истиқлолияти давлатии Ҷумҳурии Тоҷикистон: Рушд ва таҳкими мониторинги обуҳавошиносӣ ва ҳифзи пиряхҳо дар шароити тағйирёбии иқлим» баргузор гардида истодааст.Ҳамоишро директори Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон Абдулло Қурбонзода ифтитоҳ намуда, таъкид кард, ки баргузории конфронс ба 35-солагии Истиқлолияти давлатии Ҷумҳурии Тоҷикистон бахшида шуда, ба муаррифии дастовардҳои кишвар дар рушди соҳаи обуҳавошиносӣ, пешбурди ташаббусҳои байналмилалӣ оид ба ҳифзи пиряхҳо ва рушди илми иқлимшиносӣ равона шудааст.
Дар кори конфронс намояндагони муассисаҳои соҳавии давлатҳои Осиёи Марказӣ ва дигар кишварҳо, инчунин созмонҳои байналмилалӣ, аз ҷумла Созмони Умумиҷаҳонии Обуҳавошиносӣ (СУО), Созмони Милали Муттаҳид, ташкилотҳои илмӣ-таҳқиқотӣ ва дигар шарикони байналмилалӣ иштирок доранд.
Шукрона Насриддинзода
Садои Душанбе