Ҷаласаи навбатии Шӯро оид ба муайян намудани сатҳи камбизоатӣ ва табақаи миёнаи аҳолӣ баргузор шуд

Дар Вазорати рушди иқтисод ва савдои Ҷумҳурии Тоҷикистон ҷаласаи навбатии Шӯро оид ба муайян намудани сатҳи камбизоатӣ ва табақаи миёнаи аҳолӣ баргузор гардид, ки дар он масъалаҳои вобаста ба паст кардани сатҳи камбизоатӣ баррасӣ кард.

Дар ҷаласа муовини якуми Вазири рушди иқтисод ва савдо Ашурбой Солеҳзода, намояндаи доимии Бонки ҷаҳонӣ дар Ҷумҳурии Тоҷикистон Озан Севимлӣ, роҳбари намояндагии Вазорати корҳои хориҷӣ ва рушди байналмилалии Британияи Кабир дар Тоҷикистон Мирзо Ҷаҳонӣ ва аъзои Шӯро оид ба муайян намудани сатҳи камбизоатӣ ва табақаи миёнаи аҳолӣ иштирок намуданд.

Дар рӯзномаи ҷаласа масъалаҳои вобаста ба паст кардани сатҳи камбизоатӣ, арзёбии сатҳи он дар соли 2021, такмили усули муайян намудани сатҳи камбизоатӣ ва табақаи миёнаи аҳолӣ дар Ҷумҳурии Тоҷикистон ва тақвияти фаъолияти Шӯро баррасӣ гардиданд.

Қарор карда шуд, ки фаъолияти Шӯро оид ба муайян намудани сатҳи камбизоатӣ ва табақаи миёнаи аҳолӣ бо назардошти ҳадафу афзалияти миллӣ ва уҳдадориҳои байналмилалии Тоҷикистон, аз ҷумла Ҳадафҳои рушди устувор тақвият дода шавад.

Манбаъ: www.medt.tj

WP Radio
WP Radio
OFFLINE LIVE