ФОНДИ ҶОИЗАВИИ ҶОМИ «ҶАВОНӢ»-2023 60 ҲАЗОР СОМОНИРО ТАШКИЛ МЕДИҲАД

Лигаи футболи Тоҷикистон дар таътили тобистона барои дастаҳои ҷавонони лигаи олии чемпионати Тоҷикистон бори дуюм мусобиқаи Ҷоми «Ҷавонӣ»-ро баргузор мекунад. Маблағи умумии ҷоизаҳои мусобиқа 60 ҳазор сомониро ташкил медиҳад. Дар Федератсияи футболи Тоҷикистон иттилоъ медиҳад.

Аз рӯи натиҷаи қуръакашӣ даҳ даста ба се гурӯҳ тақсим шуданд. Ба гурӯҳи «А» «Ҳосилот», «Файзканд», «Эсхата» ва «Регар-ТадАЗ» шомил гардиданд. Гурӯҳи «Б» аз «Хуҷанд», «Хатлон» ва «Куктош» иборат аст. Дар гурӯҳи «В» дастаҳои «Истиқлол», «Равшан» ва КМВА бозӣ мекунанд.

Дар марҳилаи гурӯҳӣ бозиҳо аз рӯйи системаи даврӣ доир мешаванд. Ғолибони гурӯҳ, инчунин дастаи беҳтарини ҷойи дуюм ба марҳилаи баъдӣ роҳ меёбанд ва дар он ҷуфтҳои ниманиҳоиро ташкил мекунанд. Ғолибони бозиҳои даври 1/2 ниҳоӣ ба финал мебароянд ва дастаҳои мағлубшуда барои ҷойи сеюм рақобат менамоянд.

Фонди ҷоизавии Ҷоми «Ҷавонӣ» 60 ҳазор сомониро ташкил медиҳад. Ғолиби мусобиқа бо 30 000 сомонӣ, барандаи медали нуқра бо 20 ҳазор сомонӣ ва барандаи медали биринҷӣ бо 10 ҳазор сомонӣ қадрдонӣ мегарданд.

Ғолиби феълии мусобиқот тими ҷавонони «Истиқлол», ки соли гузашта дар бозии ниҳоӣ бар дастаи ҷавонони «Регар-ТадАЗ»-и Турсунзода бо ҳисоби 3:2 пирӯз шуда буд, мебошад.

 Натиҷаи қуръакашии Ҷоми «Ҷавонӣ»-2023:

 Гурӯҳи «А»: «Ҳосилот», «Файзканд», «Эсхата», «Регар-ТадАЗ».

 Гурӯҳи «В»: «Хуҷанд», «Хатлон», «Куктош».

 Гурӯҳи «В»: «Истиқлол», «Равшан», КМВА.