Нахустин Форуми байналмилалии сармоягузории маъдан ва металлургия оғоз гардид

Имрӯз дар меҳмонхонаи “Ҳайят Реҷенси”- и  шаҳри Душанбе нахустин Форуми байналмилалии сармоягузории маъдан ва металлургия оғоз гардид. Кори Форумро  Ҳоким  Холиқзода- муовини сарвазири Ҷумҳурии Тоҷикистон оғоз намуда, оид ба захираҳои бойи табиии Тоҷикистон  аз ҷумлаи маъданҳову металургия ëдрас шуда, аз номи Ҳукумати Ҷумҳурии Тоҷикистон ба кори он муввафақият таманно намуд.  Маврид ба ëдоварист, ки дар Форуми сармоягузории маъдан ва металлургия сармоягузорон, вазирони саноати давлатҳои Осиёи марказӣ, коршиносон ва соҳибкорони Тоҷикистон ва давлатҳои Осиёи Марказӣ ва намояндагони  корпусҳои дипломатии муқими шаҳри Душанбе ширкат доранд. Дар доираи форум ҳамчунин   имрӯз дар Маҷмааи  “Манеж”- шаҳри Душанбе намоишгоҳи байналмилали  оғоз мегардад, ки   дар он ҳама ширкатҳо маҳсулот ва доираи фаъолияташонро муаррифӣ менамоянд. Дар форум ва намоишгоҳ беш аз 400 роҳбари ширкатҳои бонуфузи истихроҷи маъдан ва металлургии Тоҷикистон, давлатҳои Осиёи Марказӣ, ташаббускорони лоиҳаҳои сармоягузорӣ, ширкатҳои таҳиякунанда ва истеҳсолкунандагони таҷҳизоту технологияҳо барои корхонаҳо ва сармоягузорони байналмилалӣ технологияву таҷҳизоти пешрафтаи коркарди маъдан ва навгониҳои маъданро муаррифӣ мекунанд.

Тоҷиддин Сатторзода

Садои Душанбе