Суҳбати телефонии Сироҷиддин Муҳриддин бо вазири корҳои хориҷии Русия Сергей Лавров

13 декабри соли 2022 бо ташаббуси ҷониби Русия гуфтугӯи телефонии вазирони корҳои хориҷии Тоҷикистон Сироҷиддин Муҳриддин ва Русия Сергей Лавров баргузор гардид.

Вазирон масъалаҳои алоҳидаи муносибатҳои Тоҷикистону Русия ва рафти иҷрои нақшаи чорабиниҳо оид ба таҷлили 30-юмин солгарди муносибатҳои дипломатиро баррасӣ намуданд. 

Дар рафти суҳбат мубодилаи афкор атрофи ҳамкории ду кишвар дар доираи СҲШ, СААД ва дигар созмонҳои байналмилалӣ сурат гирифт.  

Гуфтугӯ дар руҳияи ҳусни тафоҳум баргузор гардид.