Ҳушдори мақомот барои нафароне, ки дар Русия бо патент кор мекунанд
Аз 7 январи соли 2024 шаҳрвандони хориҷие, ки дар асоси патент фаъолияти меҳнатӣ менамоянд, ӯҳдадоранд оид ба фаъолияташ ба ВКД огоҳинома супоранд. Шаҳрвандони хориҷӣ ва шахсони бешаҳрванд, ки патенти меҳнатиро ба расмият медароранд, аз 7 январ ӯҳдадории нав пайдо мекунанд, ки мақомоти ҳифзи ҳуқуқро дар бораи оғози фаъолияти меҳнатӣ ба таври хаттӣ огоҳ кунанд. Дар ин бора аз Вазорати меҳнат, муҳоҷират ва шуғли аҳолии Ҷумҳурии Тоҷикистон хабар доданд.
Дар ин бора дар фармони Вазорати корҳои дохилии Федератсияи Россия аз 05.09.2023, №655 “Дар бораи муқаррар кардани шакли огоҳинома дар бораи амалӣ намудани фаъолияти меҳнатӣ аз ҷониби шаҳрванди хориҷӣ е шахси бешаҳрвандӣ, ки патент гирифтааст ва Тартиби пешниҳоди чунин огоҳинома ба мақомоти ҳудудии Вазорати корҳои дохилии Россия, ки патент додааст” гуфта шудааст.
Мутобиқи фармони мазкур, шаҳрвандони хориҷӣ ва шахсони бешаҳрвандӣ, ки патент гирифтаанд, вазифадоранд дар давоми ду моҳ аз рӯзи додани патент ба мақомоти ҳудудии Вазорати корҳои дохилии Россия дар сатҳи минтақавӣ ва ноҳиявӣ, ки патент додаанд, огоҳинома пешниҳод намоянд.
Ба огоҳинома нусхаи шартномаи меҳнатӣ ё шартномаи ҳуқуқии гражданӣ барои иҷрои корҳои (хизматрасонӣ) байни корфармо, фармоишгари корҳо ва шаҳрванди хориҷӣ замима карда мешавад ё дар огоҳинома маълумот дар бораи шартномаи ҳуқуқӣ-шаҳрвандӣ барои иҷрои корҳо дар сурати бастани он дар шакли шифоҳӣ хабар дода мешавад.
Огоҳинома метавонад аз ҷониби шаҳрванди хориҷӣ ба таври хаттӣ ба шӯъбаи ҳудудии ВКД, тавассути почта бо огоҳинома оид ба супоридан ва тавассути портали “Госуслуги” супорида шавад.
Аз соли 2024 агар шаҳрванди хориҷӣ нусхаи шартнома ё огоҳинома дар бораи фаъолияти меҳнатиро саривақт ба ВКД ирсол накунад, пас патенти ӯ (бе огоҳӣ) бекор карда мешавад. Ин маънии онро дорад, ки патенти навро шаҳрванди хориҷӣ танҳо пас аз 1 сол аз рӯзи бекоркунӣ ба расмият дароварда метавонад.
Дар ин сурат, корфармо аз сабабе, ки бо шаҳрванди хориҷие, ки алакай ғайрирасмӣ будубош дорад, фаъолиятро идома диҳад ва аз ин рӯ барои иҷозат додан ба кори ғайриқонунӣ ҷарима мегирад.
Агар дар давоми ду моҳ огоҳинома дар бораи фаъолияти меҳнатӣ пешниҳод карда нашавад, пас патенти шаҳрванди хориҷӣ (бе огоҳӣ) бекор карда шуда, мӯҳлати будубоши ӯ дар қаламрави Россия кам карда мешавад. Ҳангоми бекор кардани патент, патенти навро танҳо пас аз як сол аз рӯзи бекор гардидан ба расмият даровардан мумкин аст.
