Сафири Тоҷикистон бо директори генералии Агентии танзимкунандаи фаъолияти хайриявии Давлати Қатар мулоқот намуд
5 феврал Сафири Фавқулода ва Мухтори Ҷумҳурии Тоҷикистон дар Давлати Қатар Нурмурод Маҳмадалӣ бо директори генералии Агентии танзимкунандаи фаъолияти хайриявии Қатар Иброҳим Абдулло ал—Дуҳаймӣ мулоқот намуд.
Тавре Сафорати Ҷумҳурии Тоҷикистон дар Давлати Қатар хабар медиҳад, дар мулоқот масъалаҳои марбут ба робитаҳои дуҷониба дар заминаи ҳамкории башардӯстона матраҳ гардида, оид ба ҳамкории сохторҳои хайриявии ду давлат дар чаҳорчӯби санадҳои баимзорасидаи дуҷониба табодули афкор доир шуд.
Зимнан, ҷонибҳо дар робита ба табодули сафарҳои соҳавӣ ба мувофиқа расиданд.
АКС: Сафорати Ҷумҳурии Тоҷикистон дар Давлати Қатар
