БАРГУЗОРИИ РӮЗИ ДАЪВАТШАВАНДА ДАР ШАҲРИ КӮЛОБ

Дар шаҳри Кӯлоб Рӯзи даъватшаванда бо иштироки роҳбарияти мақомоти иҷроияи ҳокимияти давлатӣ, раиси шаҳр Назарзода Бахтиёр Худоёр, роҳбарони ташкилоту муассисаҳо, собиқадорон, даъватшавандагон ва волидони онҳо бо шукуҳу шаҳомати хосса таҷлил гардид.

Чорабинӣ бо садо додани Суруди миллӣ оғоз ёфта, сипас раиси шаҳр суханронӣ намуда, хизмат ба Ватанро ҳамчун қарз ва фарз барои ҳар ҷавонмарди Тоҷикистон таъкид кард. Волидон ва даъватшавандагон низ баромад намуда, аз шароити мусоиди хизматӣ изҳори сипос карданд.

Дар идомаи чорабинӣ, тибқи анъана, маросими нонгазон аз ҷониби модарони даъватшавандагон баргузор гардид. Ҳамчунин, ҳунармандони бахши фарҳанг барномаи консертӣ манзур намуда, барои наваскарон дастархони идона ороста шуд.

Маросими мазкур бо фазои гарму самимӣ ва эҳтиром ба хизматчиёни ҳарбӣ ҷамъбаст гардид.

WP Radio
WP Radio
OFFLINE LIVE