Дар 6 моҳи соли 2025 ба Ҷумҳурии Тоҷикистон 36 ҳазору 234 адад мошинҳои сабукрав ворид гардид
Каримзода Хуршед Абдураҳмон Сардори Хадамоти гумруки назди Ҳукумати Ҷумҳурии Тоҷикистон имрӯз зимни нишасти матбуотӣ зикр дошт, ки воридоти электромобилҳои соли бароришашон нав ба Тоҷикистон аз боҷи гумрукӣ озод аст. Ҳамчунин номбурда афзуд:
“Дар 6 моҳи соли 2025 ба Ҷумҳурии Тоҷикистон 36 ҳазору 234 адад мошинҳои сабукрав ки арзиши гумрукии онҳо 424 миллион долларро ташкил медиҳад, вориди ҷумҳурӣ гардид. Аз ин теъдод 9924 ададаш электромобил буда, маблағи онҳо 136.7 миллион доллар мебошанд.”
Ҳамчунин Сардори Хадамоти гумрук зикр дошт, ки дар шаш моҳи соли ҷорӣ электромобилҳои бароришашон нав дар умум 37.6 миллион сомонӣ аз боҷи гумрукӣ озод шуданд.
Бояд гуфт, ки солҳои охир талаботи аҳолии Ҷумҳурии Тоҷикистон ба электромобил афзоиш ёфта, воридоти он ҳам ба ҷумҳурӣ сол то сол меафзояд.
Султонализода Ёқубҷон
Садои Душанбе
