Садир Жапаров ба Душанбе ташриф овард
Нимаи дуюми рӯзи 15 сентябр Президенти Ҷумҳурии Қирғизистон Садир Жапаров бо сафари корӣ ба Ҷумҳурии Тоҷикистон ташриф овард. Дар ин бора мухбири Радиои «Тоҷикистон» Саъдӣ Ғоибзода аз Фурудгоҳи байналмиллаии шаҳри Душанбе хабар медиҳад.
Меҳмони олиқадр ва ҳайати Ҷумҳурии Қирғизистонро дар Фудрудгоҳи байналмилалии Душанбе Сарвазири Ҷумҳурии Тоҷикистон Қоҳир Расулзода ва дигар шахсони расмӣ истиқбол гирифтанд.
Дар доираи сафар ба Душанбе Президенти Ҷумҳурии Қирғизистон Садир Жапаров ҳамчун роҳбари давлати узви Созмони Аҳдномаи амнияти дастҷамъӣ (СААД) ва Созмони ҳамкории Шанхай (СҲШ) дар ҷаласаи Шӯрои амнияти дастаҷамъии СААД ва ҷаласаи Шӯрои сарони давлатҳои узви СҲШ, ки ба 20-умин солгарди таъсиси Созмони ҳамкории Шанхай бахшида шудааст, иштирок мекунад.
