Автор: sado_dushanbe

Даромади буҷети суғуртаи иҷтимоӣ ва нафақа аз 3,5 миллиард сомонӣ гузашт

Дар нимсолаи якуми соли 2026 ба буҷети Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон 3 миллиарду 511 миллион сомонӣ ворид гардид, ки иҷрои нақшаро ба 105,4 фоиз таъмин намуд.

Дар ин бора директори Агентӣ Абдураҳмон Ҳалимзода зимни нишасти матбуотӣ хабар дод.

Ба гуфтаи ӯ, маблағгузории пардохти нафақа дар ин давра 2 миллиарду 684,1 миллион сомониро ташкил дода, дар ҷумҳурӣ аз пардохти нафақа қарздорӣ вуҷуд надорад. Ҳамзамон, нақшаи маблағҳои андӯхти нафақавӣ низ 104,8 фоиз иҷро гардидааст.
Тоҷиддин Сатторзода
Садои Душанбе

Вазорати молия: Даромади буҷети давлатӣ ба 36,4 миллиард сомонӣ расид.

Дар нимсолаи якуми соли 2026 нақшаи даромади буҷети давлатии Тоҷикистон 114,3 фоиз иҷро шуда, ба буҷет 36,4 миллиард сомонӣ ворид гардид. Дар ин бора имрӯз зимни нишасти матбуотии Файзиддин Қаҳорзода Вазири молияи Ҷумҳурии Тоҷикистон иттилоъ дод.
Ба гуфтаи ӯ нақшаи даромади буҷети ҷумҳуриявӣ 116,8 фоиз ва буҷетҳои маҳаллӣ 115,2 фоиз таъмин гардидааст. Дар ин давра барои маблағгузории соҳаҳои иқтисодиву иҷтимоӣ зиёда аз 30,3 миллиард сомонӣ равона шуда, аз ин маблағ 13,7 миллиард сомонӣ ё 45 фоизи хароҷоти буҷети давлатӣ ба соҳаҳои иҷтимоӣ ихтисос дода шудааст.
Шукрона Насриддинзода
Садои Душанбе

21 июл дар шаҳри Улан-Батор Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бо Сарвазири Муғулистон Ням-Осорин Учрал мулоқот намуданд.

21 июл дар доираи сафари давлатӣ ба Муғулистон Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар шаҳри Улан-Батор аз

Пас аз анҷоми мулоқоту музокироти сатҳи олии Тоҷикистон ва Муғулистон Сарони давлатҳо муҳтарам Эмомалӣ Раҳмон ва муҳтарам Ухнаагийн Хурэлсух барои