ТАВАҶҶУҲ! 22-23 август дар Душанбе маҳдудияти муваққатии ҳаракати воситаҳои нақлиёт ҷорӣ карда мешавад
Ба диққати сокинони пойтахт расонида мешавад, ки шуруъ аз пагоҳ, 22 августи имсол аз соати 09:00 то соати 14:00 ҳаракати воситаҳои нақлиёт тавассути кӯчаҳои Мастонгулов (Фурудгоҳ), А.Дониш, С.Айнӣ (Садбарг), хиёбони Рӯдакӣ ва Сомонӣ муваққатан маҳдуд карда мешавад. Дар ин хусус аз Раёсати Вазорати корҳои дохилӣ дар шаҳри Душанбе хабар доданд.
23 август низ аз соати 11:30 то соати 14:00 ҳаракати воситаҳои нақлиёт тавассути хиёбони Рӯдакӣ, Сомонӣ, кӯчаҳои Сино, С.Айнӣ (Садбарг) А.Дониш ва Мастонгулов (фурудгоҳ) муваққатан маҳдуд карда мешавад.
Аз ин рӯ аз шаҳрвандон ва ронандагони воситаҳои нақлиёт хоҳиш карда мешавад, ки аз роҳҳои мошингарди кӯчаҳои ҳамшафат истифода намуда, аз таваққуфи нодуруст дар ин кӯчаҳо худдорӣ намоянд.
