Доробшо Наботов имконияти тиллоиро аз даст дод

Доробшо Наботов имконияти тиллоиро аз даст дод Як қадами дигар барои расидан ба орзуҳои размикори тоҷик Доробшо Наботов баҳри роҳ ёфтан ба ташкилоти бонуфузи UFC боқӣ монрда буд, лек ҳама баръакс шуд.Доробшо Наботов рӯзи 14-уми декабр дар шаҳри Кояни Кореяи Ҷанубӣ бо намояндаи Бразилия Матеус Камилё рақобат нерӯсанҷӣ кард ва дар сурати ғалаба имконияти ба UFC роҳ ёфтан барояш пайдо мешуд. Ин рақобат дар мусобиқаи ZFN 2 доир шуда, бо ғалабаи Матеус Камилёи бразилӣ бо қарори доварон анҷом ёфт.Пас аз 9 ғалабаи пайиҳам ин аввалин бохти Доробшо буд. Камилё 9 ғалаба ва 2 бохт дар ҳисоб дорад.Наботов рақобати охирини худро муқобили Мурод Биларов моҳи ноябри соли 2023 дар мусобиқаи AMC Fight Nights 122 гузаронид. Ин рақобат тамоми вақти пешбинишуда сурат гирифта, бо қарори якдилонаи доварон ба фоидаи Доробшо анҷом ёфт.Матеус Камилё охирин бор моҳи октябри соли равон дар мусобиқаи Tuff-N-Uff 139 муқобили Ҷонаски Соҷо нерӯсанҷӣ карда, бо қарори якдилонаи доварон пирӯзӣ ба даст оварда буд. Матеус 10 рақобат гузаронида, 8 ғалаба ва 2 бохт дорад.Ёдовар мешавем, ки Наботов дар як нишасти хабарии UFC дар Абу-Даби аз роҳбари ин созмон Дана Уайт хост, ки ба ӯ шонси мубориза дар ташкилоташро бидиҳад. Дана Уайт низ ин фурсати тиллоиро барои варзишгари мо дод ва ироа кард, ки дар сурати ғалаба имкон пайдо мекунад, ки бо пурзӯртарин лигаи ҷаҳон қарордод бандад.