Форуми II байналмилалии «Суғд-чорроҳаи роҳи бузурги абрешим» гузаронида мешавад

 Дар вилояти Суғд Форуми II байналмилалии «Суғд-чорроҳаи роҳи бузурги абрешим», Намоишгоҳи XI байналмилалии савдо «Суғд-2025» ва Форуми III байналмилалии «Сармояи инсонӣ ҳамчун манбаи рушди иқтисодиёт» гузаронида мешаванд. Дар ин хусус хадамоти матбуоти Раиси вилояти Суғд хабар медиҳад.

Намоиш ва форумҳо бо мақсади рушди иқтисод ва савдои байналмилалӣ, баланд бардоштани неруи содиротӣ, тақвияти ҳамкорӣ бо давлатҳои хориҷии дуру наздик, ҷалби сармоя, воридоти технологияҳои муосир ва муаррифии захираю имконияти мавҷуда ташкил мегардад.

Тибқи нақша, Форуми II байналмилалии «Суғд-чорроҳаи роҳи бузурги абрешим» 16-19 апрел, Намоишгоҳи XI байналмилалии савдо «Суғд-2025» 12-14 июн ва Форуми III байналмилалии «Сармояи инсонӣ ҳамчун манбаи рушди иқтисодиёт» 25-27 сентябри соли равон гузаронида мешаванд.

АКС: Хадамоти матбуоти Раиси вилояти Суғд