Истиқлол охирин дидорашро дар Лигаи қаҳрамонҳои Осиё бо ғалаба анҷом дод

Бошгоҳи  «Истиқлол»-и шаҳри Душанбе дар бозии ниҳоии марҳилаи гурӯҳии Лигаи қаҳрамонҳои Осиё  дар гурӯҳи «А» бо дастаи “Ал-Шарҷа”-и Аморати Муттаҳидаи Араб андари майдони рақобат шуданд. Вохӯрии дастаҳо дар варзишгоҳи байналмилалӣ ба номи Шоҳ Фаҳди шаҳри Риёз доир шуда, бо натиҷаи 2 бар 0 ба нафъи  дастаи “Истиқлол” анҷом ёфт.

Голҳоро дар ҳайати тими “Истиқлол”  Эрик Бокум дар дақиқаи 14-ум ва Владислав Касминин дар дақиқаи 90+1 марбути номи хеш карданд.

Ба даври 1/8 ниҳои аз гурӯҳи “А” “Ал-Ҳилол” ва “Ал-Раён” бо касби 13 имтиёзи  роҳхат гирифтанд.

Бошгоҳи “Истиқлол”  дар гурӯҳ бо касби 3 имтиёз дар зинаи охирин маскан гирифта аз идомаи мусобиқа бенасиб монд.

Лигаи қаҳрамонҳои КФО-2022

Гурӯҳи «А». Даври 6-ум

«Истиқлол» (Тоҷикистон) – «Шарҷа» (АМА) – 2:0

Голҳо: Эрик Бокум, 14 (1:0). Владислав Касминин, 90+1 (2:0).

Бозингари беҳтарин: Рустам Ятимов (“Истиқлол”).

Сардовар: Мохд Амирул Изван (Малайзия).

27 апрел. Риёз. Варзишгоҳи байналмилалӣ ба номи Шоҳ Фаҳд.