Дар Тоҷикистон 42 ҳолати нави сирояти COVID-19 ба қайд гирифта шуд

Шабонарӯзи охир дар Ҷумҳурии Тоҷикистон 42 ҳолати нави сирояти COVID-19 ба қайд гирифта шуд, хабар медиҳад АМИТ «Ховар» бо истинод ба маркази матбуоти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон.

Бино ба иттилои манбаъ, дар маҷмӯъ сирояти коронавирус дар муддати аз 30 апрел то 8 ноябр 11336 ҳолатро ташкил медиҳад.

«Дар як шабонарӯзи охир 59 нафар пас аз табобат ба хонаҳояшон рухсат дода шуда, дар маҷмӯъ шумораи шифоёфтагон аз ин беморӣ дар Тоҷикистон ба 10653 (94,0%)  баробар гардид. Бар асари ин беморӣ 83 нафар фавтидаанд», — илова намуд манбаъ.

Мавриди зикр аст, ки Ҳукумати Ҷумҳурии Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ менамояд.

Добавить комментарий

WP Radio
WP Radio
OFFLINE LIVE