СММ ҷамъоварии фаврии маблағҳоро барои зарардидагони заминларзаи Сурия эълон кард

14 феврал аввалин ҳайати СММ аз минтақаҳои шимолу ғарби Сурия боздид намуд. Коршиносон аз Туркия тавассути гузаргоҳи «Баб-ал-Ҳаво» ворид шуданд ва ният доранд миқёси зарарро арзёбӣ кунанд, иттилоъ медиҳад АБИ «Казинформ» бо истинод ба Euronews.

Худи ҳамон рӯз бори башардӯстонаи СММ тавассути гузаргоҳи Баб-ал-Салом ба ин минтақа интиқол дода шуд, ки ифтитоҳи он қаблан аз ҷониби мақомоти Сурия эълон шуда буд.

«Имрӯз ман дархости башардӯстонаи Созмони Милали Муттаҳидро ба маблағи 397 миллион доллар барои зарардидагони заминларзаи аҳолии Сурия эълон мекунам. Ин давра то се моҳро фаро мегирад», -иттилоъ дод Котиби генералии СММ Антонио Гутерриш.

Мувофиқи гуфтаи Дабири кулл, чунин дархост барои Туркия ба зудӣ садо хоҳад дод. Ӯ иброз кард, ки СММ аллакай тавассути Фонди марказии вокуниш ба ҳолатҳои фавқулода барои рафъи оқибатҳои заминларза 50 миллион доллар ҷудо кардааст.

«Кумак бояд аз ҳар ҷониб, ба ҳама тарафҳо, тавассути тамоми роҳҳо бидуни маҳдудият расад», -иброз дошт Дабири кулли СММ.

WP Radio
WP Radio
OFFLINE LIVE