ҶОМИ КФО-2023/24. Бозии дастаҳои «Равшан»-и Тоҷикистон ва «Марв»-и Туркманистон мусовӣ анҷом ёфт
21 сентябр дар Варзишгоҳи марказии шаҳри Ҳисор бозии даври аввали марҳилаи гурӯҳии Ҷоми КФО-2023/24 дар минтақаи марказӣ байни дастаҳои футболи «Равшан»-и Тоҷикистон ва «Марв»-и Туркманистон баргузор гардид. Дар ин хусус Федератсияи футболи Тоҷикистон хабар медиҳад.
Бозии дастаҳо мусовӣ анҷом ёфт.
Акнун дар даври дуюми марҳилаи гурӯҳии Ҷоми КФО-2023/24 дар минтақаи марказӣ дастаи футболи «Равшан»-и шаҳри Кӯлоб 5 октябр дар сафар бо дастаи дигари Туркманистон — «Алтин Асир» бозӣ менамояд.
Ёдовар мешавем, ки дастаи футболи «Марв»-и Туркманистон дар бозии даври муқаддамотии Ҷоми КФО 2023/24 бар дастаи футболи «Хуҷанд»-и шаҳри Хуҷанд дар варзишгоҳи «20 солагии Истиқлолияти Тоҷикистон» бо ҳисоби 2 бар 1 зафар ёфта, ба даври гурӯҳӣ роҳ ёфта буд.
