Мунтахаби олимпии Тоҷикистон (U-23) бо дастаҳои олимпии АМА, Кувайт ва Чин бозиҳои дӯстона анҷом медиҳад

Дастаи мунтахаби олимпии Тоҷикистон (U-23) таҳти роҳбарии Мубин Эргашев моҳи ноябр чаҳор бозии дӯстона баргузор мекунад, ки ҳадафи он омодагӣ ба қисми ниҳоии Ҷоми Осиё-2024 мебошад.

11 ноябр тими олимпии мо ба Дубай сафар карда, онҷо бо ҳамсолони худ аз АМА (14 ноябр) ва Кувайт (17 ноябр) ду бозии дӯстона анҷом медиҳад. Сипас тими Мубин Эргашев барои баргузории вохӯриҳои санҷишӣ бо тими олимпии Чин ба шаҳри Сзинтсян парвоз мекунад. Ин рақобатҳо 19 ва 22 ноябр баргузор мешаванд.

Қобили зикр аст, ки мунтахаби олимпии Тоҷикистон (U-23) рақибони худро дар Ҷоми Осиё-2024 рӯзи 23 ноябр дар маросими қуръакашӣ муайян менамояд. Марҳилаи ниҳоии Ҷоми Осиё аз 15 апрел то 3 майи соли 2024 дар Қатар доир мешавад.