Фаъолияти Раёсати Агентии меҳнат ва шуғли аҳолӣ дар шаҳри Ваҳдат
Давомии 10- моҳи соли ҷорӣ аз ҷониби Раёсати Агентии меҳнат ва шуғли аҳолӣ дар шаҳри Ваҳдат 10 ярмаркаи ҷойҳои кории холӣ ташкил гардида, дар онҳо 1 ҳазору 249 нафар ба ҷойи кори доимӣ, муваққатӣ ва мавсимӣ таъмин гардидаанд, ки 8-9 фоиз нисбати соли гузашта зиёд аст. Зимнан дар Маркази таълимии калонсолони Тоҷикистон дар ин шаҳр низ наздики ду ҳазор нафар ба касбомӯзӣ фаро гирифта шудаанд. Ба иттилои Абубакр Идиев- садори Раёсати агентии меҳнат ва шуғли аҳолӣ дар шаҳри Ваҳдат, дар ин давра ба Раёсати мазкур, 6 ҳазору 767 нафар муроҷиат намуданд, ки аз онҳо 3 ҳазору 919 нафар ҳамчун корҷӯ ба қайд гирифта шуда, ба 2 ҳазору 202 нафари онҳо расман мақоми бекорӣ дода шудааст, ки ба 96 фоизи нақша баробар гардидааст. Тавассути ин ярмаркаҳои ҷойҳои кории холӣ муассисаю ташкилот ва корхонаҳои ин ҳудуд 1 ҳазору 538 ҷойи корхои холиро манзури корҷӯён намудаанд.
Тоҷиддин Сатторзода
Садои Душанбе
