Даъвати баҳории ҷавонон ба сафи Қувваҳои Мусаллаҳ дар шаҳри Душанбе
Имрӯз, бо ибтикори Мақомоти иҷроияи ҳокимияти давлатии шаҳри Душанбе, маросими даъвати баҳории ҷавонон ба сафи Қувваҳои Мусаллаҳи Ҷумҳурии Тоҷикистон баргузор гардид.
Дар ин чорабинӣ намояндагони мақомоти давлатӣ, комиссариатҳои ҳарбӣ, падару модарони навдаъватшавандагон ва дигар шахсони расмӣ иштирок намуданд. Дар суханронии худ, масъулон аз саҳми ҷавонон дар ҳифзи марзу буми Ватан ёдовар шуда, хизмати ҳарбиро ҳамчун мактаби мардонагӣ ва ҷасорат таъриф карданд.
Ҳамчунин, ба сарбозони оянда тӯҳфаҳои хотиравӣ тақдим гардида, барои онҳо барномаи фарҳангӣ бо иштироки ҳунармандони машҳури кишвар баргузор гардид.
Маврид ба зикр аст, ки даъвати баҳории ҷавонон ба сафи Қувваҳои Мусаллаҳ тибқи Қонуни Ҷумҳурии Тоҷикистон «Дар бораи ӯҳдадории ҳарбӣ ва хизмати ҳарбӣ» сурат мегирад ва ҷараёни он таҳти назорати қатъии мақомоти дахлдор қарор дорад.
Шарофиддин Каримов
Садои Душанбе
