“Барселона” дар аввалин бозии рафиқонааш 6 гол ба дарвозаи рақиб зад

Бошгоҳи “Барселона” дар Амрико аввалин бозии рафиқонаашро доир кард. Каталониҳо муқобили бошгоҳи “Интер Майами” вохӯрӣ анҷом доданд. Дидори дастаҳо бо ғалабаи бузурги бошгоҳи каталонӣ бо ҳисоби 6:0 анҷом ёфт.

Дар ҳайати дастаи “Барселона” –  Пйер-Эмерик Обамеянг, Рафиня, ки бозии аввалро пас аз гузариш аз “Лидс Юнайтед” анҷом доданд, Ансу Фати, Гави, Мемфис Депай ва Усмон Дембеле голзанӣ намуданд. Рафиня дар баробари муаллифи гол шуданд, ҳамзамон ду партофти головар низ анҷом додааст.

Ёдовар мешавем, ки рӯзи 24-уми июл дар доираи сафари Амрико «Барселона» бо «Реал Мадрид» бозии дӯстона анҷом медиҳад. Вохӯрӣ дар Лас Вегас баргузор мешавад.