Нурулло Алиев ба UFC роҳ ёфт!
Размикори тоҷик Нурулло Алиев дар мубориза барои дарёфти қарордоди имконпазир бо UFC варзишгари амрикоӣ Ҷош Уикиро дар раунди якум шикаст дод.
Ҳамин тавр размикори тоҷик Нурулло Алиев ба бузургтарин созмони размкории ҷаҳон UFC пайваст . Акнун Нурулло аввалин варзишгари тоҷик аст, ки дар UFC баромад хоҳад кард.
Ҷош Уик 12 пирӯзӣ ва панҷ бохт дорад. Ӯ дар созмонҳои гуногун мубориза намуда, як разми хешро дар ташкилоти амрикоии Bellator анҷом додааст.
Ёдовар мешавем, ки як моҳ пеш размикори тоҷик – Нурулло Алиев бо ташкилоти Дана Уайт – «Dana White Contender Series» шартнома ба имзо расонида буд. Ҳамакнун, Нурулло пас аз ғалаба муқобили Ҷош Уики 27 сола UFC роҳ ёфт ва минбаъд рақобатҳояшро дар ин ташкилот доир мекунад.
Нурулло Алиеви 22 сола ҳоло бо 7 пирӯзӣ ва ягон бохт фаъолияташро идома медиҳад. Алиев фаъолияти касбии худро дар муҳорибаҳои омехта соли 2018 оғоз кард ва тавонист дар чанд созмони маҳаллӣ ҳунарнамоӣ кунад. Нурулло охирин набарди худро моҳи сентябри соли гузашта анҷом дода, бо қарори якдилона пирӯз шуда буд.
Манбаъ: https://varzishtv.tj
