Саноати маъданҳои кӯҳӣ ва металлҳои қимматбаҳо

Дар нишасти хабарии Вазорати саноат ва технологияҳои нави ҶТ иттилоъ дода шуд,ки корхонаҳои соҳаи саноати маъданҳои куҳӣ ва металлҳои қимматбаҳо дар нимсолаи аввали соли 2025 ба маблағи 12,7 миллиард сомонӣ маҳсулот истеҳсол намуданд, ки назар ба ҳамин давраи соли гузашта ба маблағи 5,6 миллиард сомонӣ зиёд мебошад. Шерали Кабир вазири саноат ва технологияҳои нави ҶТ дар вохурӣ бо рӯзноманигорон хабар дод,ки дар ин давра ҶДММ ТВЕА “Душанбе саноати кӯҳӣ”, ЧҶП “Талко Голд”, ҶМ ТК ММ “Апрелевка”, КМКДЧ “Тиллои тоҷик”, ҶДММ “Пакрут” ва ҶДММ “Назирӣ” ҳаҷми истеҳсоли маҳсулотро нисбат ба ҳамин давраи соли 2024 барзиёд иҷро намуданд.

ҶДММ “Ширкати кӯҳии саноатии Тоҷикистону Хитой” ва ҶДММ “Ширкати металлургии Анзоб” фаъолиятро дар сатҳи зарурӣ ба роҳ монда, ҳаҷми истеҳсолотро мутаносибан 1,4 баробар ва 3,1 баробар нисбат ба ҳамин давраи соли гузашта соли 2024 зиёд таъмин намудаанд.

Нигинаи Давронзод