САЙРИ ҶУДОИ ҶАҲОНӢ. 13 варзишгари тоҷик дар Tashkent Grand Slam 2023 иштирок менамоянд
Сайри навбатии ҷудои ҷаҳонӣ дар Tashkent Grand Slam 2023 идома меёбад, ки дар он 13 варзишгари тоҷик иштирок менамоянд. Дар ин хусус дар Федератсияи ҷудои Тоҷикистон хабар доданд.
Мусобиқа 3-5 март бо иштироки 384 варзишгар (205 мард, 179 зан) аз 52 давлат баргузор карда мешавад. Аз ҷумла, аз ҷониби Федератсияи ҷудои Тоҷикистон 13 варзишгар (11 мард, 2 зан) дар ин мусобиқа иштирок менамоянд.
Мардҳо
-60кг — Муҳаммадсолеҳ Қуватов
-66кг — Эмомалӣ Нуралӣ
-66кг — Шаҳбоз Саидабуроров
-73кг — Беҳрӯз Хоҷазода
-73кг — Маҳмадшариф Наҷмиддинов
-81кг — Сомон Маҳмадбеков
-81кг — Муҳаммадҷон Абдуҷалилов
-90кг — Ҷаҳонгир Маҷидов
-90кг — Комроншоҳ Устопириён
+100кг — Иброҳим Элмуродов
+100кг — Темур Раҳимов
Занон
-48кг — Шукрона Карчиева
-57кг — Шоҳида Қаландарова
Ба иттилои Федератсияи ҷудои Тоҷикистон, дастаи мунтахаби мамлакат қабл аз ин мусобиқа бо роҳнамоии мутахассиси ҷопонӣ Тамура Тору дар шаҳри Душанбе ба ҷамъомади машқии 10-рӯза фаро гирифта шуд. Дар ин ҷамъомад ҳамчунин варзишгарони Клуби ҷудои «Мори»-и шаҳри Иркутски Федератсияи Русия иштирок намуданд.
Чун анъана мо дар рӯзи аввал сабқатҳоро дар вазнҳои -60кг, -66кг миёни мардҳо, -48кг, -52кг, -57кг миёни бонувон тамошо мекунем. Рӯзи дуюм мусобиқаҳо дар вазнҳои -73кг, -81кг миёни мардҳо, -63кг, -70кг миёни бонувон сурат мегиранд. Мусобиқа бо қувваозмоии паҳлавонон дар вазнҳои -90кг, -100кг, +100кг миёни мардҳо, -78кг, +78кг миёни бонувон ба анҷом мерасад. Ғолибони ҳар вазн 5000 евро, барандагони медали нуқра 3000 ва медали биринҷӣ 1500 евро ҷоизапулӣ мегиранд.
