Барномаи хореографӣ «Сюитаи устод» Толиб Шаҳидиро ба Душанбе меорад

29 апрел, соати 17:00 дар Театри давлатии академии опера ва балети Тоҷикистон ба номи С. Айнӣ дар зери мусиқии композитор Толиб Шаҳидӣ барномаи хореографӣ таҳти унвони «Сюитаи устод» иҷро карда мешавад. Дар барнома устод Толиб Шаҳидӣ ҳунарнамоӣ менамояд. Дар ин хусус дар Театри давлатии академии опера ва балет иттилоъ доданд.

Барномаи ҳунарии «Сюитаи устод» бо ҳамовозии фортепиано доир мегардад.  Тамоми фазои театр ёддоштҳои гарми асарҳои устод Толиб Шаҳидиро, ки барои ин саҳна офаридааст, дар худ нигоҳ медорад.

Ин барномаи беҳамто танҳо як рӯз бо иштироки солистони балети миллӣ, таҳиягарони хориҷӣ ва нобиғаи мусиқии муосир Толибхон Шаҳидӣ баргузор мегардад.

Ёдовар мешавем, ки Толиб Шаҳидӣ оҳангсози маъруфи тоҷик, Ходими санъати Тоҷикистон (1966), Ҳунарпешаи халқии Тоҷикистон (1999), дорандаи Ҷоизаи давлатии Тоҷикистон ба номи Абӯабдуллоҳ Рӯдакӣ ва узви Иттифоқи оҳангсозони Тоҷикистон (1972) мебошад.

Толиб Шаҳидӣ муаллифи симфонияҳо, операҳо, балетҳо, консертҳои созӣ, мусиқӣ ба филмҳо, намоишномаҳои «Эдип», «Исороти ибодатнома», «Ромео ва Ҷулйетта», «Сусмор», «Шоҳ Фаридун», «Шоҳ Лир», «Рӯдакӣ», балетҳои «Спитамен» (1975), «Марги судхӯр» (1978), «Хотираи қалб» (1981), «Юсуф ва Зулайхо» (1988), «Сиёвуш» (1992) ва ғайра мебошад.