Забоншиносони тоҷик дар Конгресси III байналмилалии «Сиёсати забонии давлатҳои ИДМ» иштирок менамоянд
Аз 27 то 29 ноябр дар шаҳри Мински Ҷумҳурии Беларус Конгресси III байналмилалии «Сиёсати забонии давлатҳои Иттиҳоди Давлатҳои Мустақил» баргузор мегардад. Тоҷикистонро дар ин ҳамоиш олимону муҳаққиқон ва забоншиносон муаррифӣ менамоянд, иттилоъ медиҳад АМИТ «Ховар» бо истинод ба Донишгоҳи миллии Тоҷикистон.
Конгрес бо ибтикори Донишгоҳи давлатии забоншиносии Москва дар якҷоягӣ бо «Россотрудничество» дар заминаи Донишгоҳи давлатии забоншиносии Минск баргузор мегардад.
Ҳадаф аз баргузории ҳамоиш- гузаронидани таҳлили вазъи забон дар давлатҳои аъзои Иттиҳоди Давлатҳои Мустақил, арзёбии самаранокӣ ва муҳокимаи таҷрибаи мавҷуда мебошад.
