Муовини якуми вазири корҳои хориҷӣ нусхаи эътимодномаи сафири Нидерландро қабул кард
15 марти соли 2024 муовини якуми вазири корҳои хориҷии Ҷумҳурии Тоҷикистон Исматулло Насредин нусхаи эътимодномаи сафири фавқулода ва мухтори Подшоҳии Нидерланд дар Ҷумҳурии Тоҷикистон (бо иқоматгоҳ дар Остона) Николаас Схермерсро қабул кард. Дар ин бора Вазорати корҳои хориҷии Ҷумҳурии Тоҷикистон хабар медиҳад.
Зимни мулоқот ҷонибҳо дар бораи самтҳои авлавиятноки ҳамкориҳои дуҷониба ва дар доираи созмонҳои байналмилалӣ ва минтақавӣ, аз ҷумла дар соҳаи об табодули назар карданд.
Муовини якуми вазири корҳои хориҷӣ сафири Нидерландро ба муносибати таъйин шуданаш ба ин вазифа табрик гуфта, ба ӯ дар фаъолияти корӣ барору комёбӣ таманно намуд.
