МУАРРИФИИ ЛОИҲАИ “БАРНОМАИ РУШДИ САЙЁҲӢ БАРОИ СОЛҲОИ 2021-2025” ДАР ШАҲРИ ДУШАНБЕ

Лоиҳаи “Барномаи рушди сайёҳӣ барои солҳои 2021 – 2025” дар шаҳри Душанбе муаррифӣ гардид. Дар ин бора дафтари матбуоти Кумитаи рушди сайёҳии назди Ҳукумати Ҷумҳурии Тоҷикистон иттилоъ дод.

Ба иттилои манбаъ, лоиҳаи ин Барнома дар мизи мудаввар, ки бо ибтикори Кумитаи рушди сайёҳӣ ва иштироки намояндагони шарикони рушд, роҳбарони ассотсиатсияҳо, ширкатҳои сайёҳӣ ва коршиносони байналмилалӣ баргузор гардид, мавриди баррасӣ қарор гирифт.

Раиси Кумитаи рушди сайёҳии назди Ҳукумати Ҷумҳурии Тоҷикистон Тоҷиддин Ҷӯразода зикр намуд, ки лоиҳаи “Барномаи рушди сайёҳӣ барои солҳои 2021 – 2025” дар заминаи Ҳадафҳои рушди устувор, Стратегияи миллии рушди Ҷумҳурии Тоҷикистон барои давраи то соли 2030, Барномаи миёнамуҳлати рушд, Стратегияи рушди сайёҳӣ дар Ҷумҳурии Тоҷикистон барои давраи то соли 2030 ва пайдо намудани афзалияти нав барои рушди соҳаи сайёҳии мамлакат, ки аз ҷониби Пешвои миллат муҳтарам Эмомалӣ Раҳмон дар паёмҳои худ ба Маҷлиси Олии Ҷумҳурии Тоҷикистон баён шудаанд, таҳия гардидааст.

Дар идомаи ҷаласа намояндагони шарикони рушд, роҳбарони ассотсиатсияҳо, ширкатҳои сайёҳӣ ва коршиносони байналмилалӣ барои ҳамкорӣ дар татбиқи ҳадафҳои барнома омодагии хешро изҳор намуданд.