Имрӯз мунтахаби ҷавонони Тоҷикистон (U-20) дар Чемпионати CAFA-2024 бо дастаи Ӯзбекистон бозӣ мекунад
Имрӯз, 12 –уми июл дастаи мунтахаби ҷавонони Тоҷикистон (U-20) дар мусобиқаи қаҳрамонии CAFA-2024 бозии ниҳоии худро анҷом медиҳад.
Дар рақобат барои ҷойи сеюм дастаи ҷавонони мо бо мунтахаби Ӯзбекистон вомехӯрад. Ин вохӯрӣ дар варзишгоҳи «Қурмонбек»-и Ҷалолобод баргузор шуда, соати 16:00 ба вақти Душанбе оғоз мешавад.
Дар бозии финали мунтахабҳои Эрон ва Қирғизистон андари майдони рақобат мешаванд.
Ёдовар мешавем, ки дар тамоми бозиҳои чемпионати Ассотсиатсияи футболи Осиёи Марказӣ байни дастаҳои ҷавонони то 20-сола дар Қирғизистон системаи видеодовар-VAR истифода мешавад.
