Ҳайати Тоҷикистон аввалин маротиба дар Форуми ҷаҳонии «Маориф-2024» иштирок намуд

20 май ҳайати Тоҷикистон таҳти роҳбарии Вазири маориф ва илм Раҳим Саидзода аввалин маротиба дар Форуми ҷаҳонии «Маориф-2024», ки ҳамасола аз ҷониби Шоҳигарии Британияи Кабир ва Ирландияи Шимолӣ дар шаҳри Лондон ташкил карда мешавад, иштирок намуд, хабар медиҳад маркази матбуоти Вазорати маориф ва илми ҷумҳурӣ.

Дар Форуми ҷаҳонии маориф вазирони маорифи кишварҳои гуногун ва намояндагони ширкатҳои дунё, ки дар самти маориф фаъолият менамоянд, иштирок доранд.

Дар форуми ҷаҳонии «Маориф-2024» ҳайатҳои 159 кишвари дунё иштирок намуда, дар он вохӯриҳои дуҷониба ва бисёрҷонибаи ҳайатҳои давлатҳои гуногун баргузор мегарданд.

Имсол дар доираи баргузории ин форум вохӯрии ҳайати Тоҷикистон бо ҳайатҳои давлатҳо ва ширкатҳои гуногун дар назар аст.