Дар мусобиқаи Russian judo tour аз Тоҷикистон шаш паҳлавон иштирок менамояд

21-22 декабр дар Федератсияи Русия мусобиқаи Russian judo tour баргузор мешавад, ки дар он аз Ҷумҳурии Тоҷикистон шаш паҳлавон иштирок мекунад. Дар ин хусус аз Федератсияи ҷудои Тоҷикистон хабар доданд.

Дар мусобиқа паҳлавонони тоҷик: Муҳаммадсолеҳ Қувватов дар вазни то 60кг, Эмомалӣ Нуралӣ дар вазни то 66кг, Муҳиддин Асадуллоев ва Муҳаммадин Лоиқов дар вазни то 73 кг, Ҷаҳонгир Маҷидов ва Кароматулло Ҳакимов дар вазни то 100 кг рақобат менамоянд.