Эҳсони Панҷшанбе фаъолияти касбияшро дар Суперлигаи Узбекистон идома медиҳад

Нимҳимоятгари дастаи мунтахаби Тоҷикистон оид ба футбол Эҳсони Панҷшанбе фаъолияти касбияшро дар Суперлигаи Узбекистон идома медиҳад, иттилоъ  доданд дар  Федератсияи футболи Тоҷикистон.

Эҳсони Панҷшанбе ҳамчун бозингари озод ба «Суғдиёна»-и Ҷиззах гузашт. Охирин дастаи  Эҳсон «Истиқлол»-и Душанбе буд, ки соли гузашта бо ин тим  барандаи чемпионат ва Суперҷоми Тоҷикистон шуд.

Эҳсони Панҷшанбе дар «Суғдиёна» якҷо бо ҳимоятгари тими миллии Тоҷикистон Зоир Ҷӯрабоев ҳунарнамоӣ  хоҳад кард.

Қаблан Эҳсони Панҷшанбе бо пироҳанҳои бошгоҳҳои «Вахш», «Барқчӣ», «Истиқлол», «Навбаҳор» (Узбекистон) ва «Зуб Оҳан» (Эрон) бозӣ кардааст.

Эҳсони Панҷшанбе аз соли 2016 дар ҳайати дастаи  миллии Тоҷикистон ҳунарнамоӣ карда, дар 57 бозӣ панҷ гол задааст.

АКС: Федератсияи футболи Тоҷикистон