Сафири Тоҷикистон бо Вазири мероси фарҳангӣ, гардишгарӣ ва саноеи дастии Эрон мулоқот намуд

Сафири Фавқулода ва Мухтори  Ҷумҳурии Тоҷикистон дар Эрон Низомиддин Зоҳидӣ бо Вазири мероси фарҳангӣ, гардишгарӣ ва саноеи дастии Ҷумҳурии Исломии Эрон Ризо Солеҳии Амирӣ мулоқот намуд.

Тавре Сафорати Тоҷикистон дар Теҳрон хабар медиҳад, дар мулоқот масъалаҳои тақвияти ҳамкории  дуҷониба, аз ҷумла тавсеаи сайёҳӣ байни ду давлат, ташкили давраҳои бозомӯзӣ барои ҳунармандони саноеи дастӣ, пешниҳоди номинаҳои муштараки фарҳангӣ барои сабт дар ЮНЕСКО ва тармиму бозсозии осори таърихӣ мавриди баррасӣ қарор гирифтанд.

Ҷонибҳо бо ин мақсад дар самтҳои мазкур таъсиси Кумитаи муштараки ҳамкорӣ  байни ду давлатро  зарур донистанд.

АКС: Сафорати Ҷумҳурии Тоҷикистон дар Ҷумҳурии Исломии Эрон