ЛИГАИ ЧЕМПИОНҲОИ ДУЮМИ ОСИЁ-2025/26. Имрӯз дастаҳои «Регар-ТадАЗ» ва «Аҳал»-и Туркманистон бо ҳам бозӣ мекунанд

 Шоми имрӯз дар Варзишгоҳи марказии «ТАЛКО-Арена»-и шаҳри Турсунзода бозии плей-оффи Лигаи чемпионҳои дуюми Осиё-2025/26 оид ба футбол баргузор мешавад.

Барандаи Ҷоми Тоҷикистон-2024, дастаи футболи «Регар-ТадАЗ»-и шаҳри Турсунзода барои роҳхат ба марҳилаи гурӯҳии мусобиқот бо дастаи футболи «Аҳал»-и Туркманистон мубориза мебарад. Бозӣ соати 17:00 оғоз мешавад.

Агар вақти асосии бозӣ мусовӣ анҷом ёбад, ду қисми иловагии иборат аз 15-дақиқагӣ таъйин карда мешавад. Агар дар ин муддат ҳам ғолиб муайян нашавад, тибқи муқаррароти ФИФА зарбаҳои пеналти таъйин мегарданд.

АКС: Федератсияи футболи Тоҷикистон