СУТ: Теъдоди ҳолатҳои гирифторӣ ба COVID-19 дар ҷаҳон коҳиш меёбад
Тибқи маълумоти Ташкилоти умумиҷаҳонии тандурустӣ (ТУТ), аз 15 то 21 августи соли 2022 шумораи ҳолатҳои нави ҳарҳафтаинаи гирифторӣ ба COVID-19 дар саросари ҷаҳон нисбат ба ҳафтаи қаблӣ 9% коҳиш ёфтааст, хабар медиҳад АМИТ «Ховар».
Дар ҳамин ҳол, дар давоми ҳафт рӯзи охир беш аз 5,3 миллион ҳолати нав ба қайд гирифта шуда, теъдоди фавтидагон бар асари COVID-19 нисбат ба ҳафтаи гузашта 15% кам гардидааст. Ҳамин тариқ, дар саросари ҷаҳон беш аз 14 ҳазор ҳолати фавт сабт шудааст.
Ба иттилои ТУТ, то 21 августи соли 2022 дар саросари ҷаҳон 593 миллион ҳолати тасдиқшудаи коронавирус ва 6,4 миллион фавт ба қайд гирифта шудааст.
