МУНТАХАБИ ОЛИМПИИ КОРЕЯИ ШИМОЛӢ (U-23) АЗ ШИРКАТ ДАР ҶОМИ ОСИЁ-2024 ДАСТ КАШИД

Мунтахаби олимпии Ҷумҳурии Халқӣ-Демократии Корея (U-23) аз ширкат дар мусобиқаи интихобии Ҷоми Осиё-2024 дар гурӯҳи «I», ки аз 6 то 12 сентябр дар Душанбе баргузор мешавад, даст кашид.Дар ин бора аз Федератсияи футболи Тоҷикистон иттилоъ доданд.

Дар робита ба ширкат накардани мунтахаби олимпии Кореяи Шимолӣ дар мусобиқоти интихобии Ҷоми Осиё-2024 Конфедератсияи футболи Осиё ҷадвали бозиҳоро дар гурӯҳи «I», ки дар он се даста – Австралия, Тоҷикистон ва Лаос бозӣ мекунанд, тағйир дод. Бозиҳои интихобӣ аз 6 то 12 сентябр дар Варзишгоҳи марказии ҷумҳуриявии шаҳри Душанбе доир мешаванд.

Марҳилаи интихобӣ дар Душанбе 6 сентябр бо бозии дастаҳои олимпии Лаос ва Австралия оғоз мегардад. Дар даври дуюм 9 сентябр тими олимпии Тоҷикистон бо ҳамсолони худ аз Лаос бозӣ мекунад. Ва дар даври ниҳоӣ 12 сентябр тимҳои Тоҷикистон ва Австралия бо ҳам вомехӯранд.

Бар асоси натоиҷи даври интихобӣ ғолибони 11 гурӯҳ, инчунин 4 дастаи беҳтарини  ҷойи дуюм ба қисми финалии Ҷоми Осиё-2024 (U-23), ки аз 15 апрел то 3 майи соли оянда дар Қатар баргузор мешавад, роҳ меёбанд.

 Марҳилаи интихобии Ҷоми Осиё-2024 (U-23)

♦️ Гурӯҳи «I»

️ Даври 1

 6 сентябр (чоршанбе)

️ Оғоз – соати 20:30

 Лаос –  Австралия

️ Даври 2

 9 сентябр (шанбе)

️ Оғоз – соати 20:30

 ТОҶИКИСТОН –  Лаос

️ Даври 3

 12 сентябр (сешанбе)

️ Оғоз – соати 20:30

 Австралия –  ТОҶИКИСТОН