Варзишгарони тоҷик дар Чемпионати Осиё/Уқёнус оид ба самбо сазовори 13 медал гардиданд
Дастаи мунтахаби самбои Тоҷикистон дар Чемпионати Осиё/Уқёнус оид ба намуди самбо миёни варзишгарони биноияшон суст, наврасон, ҷавонон, калонсолон ва устодон, ки аз 7 то 11 июни соли равон дар шаҳри Остонаи Ҷумҳурии Қазоқистон дар сатҳи баланд баргузор шуд, ба гирифтани 13 медал — 1 тилло, 3 нуқра ва 9 биринҷӣ сазовор гардиданд. Дар ин хусус АМИТ «Ховар» бо истинод ба Федератсияи самбои Тоҷикистон хабар медиҳад.Дар Чемпионати Осиё/Уқёнус оид ба намуди самбо байни варзишгарони биноияшон суст беш аз 600 варзишгар аз 30 давлати қора иштирок намуданд.Қобили тазаккур аст, ки варзишгарони тоҷик дар мусобиқоти мазкур ҳунар ва маҳорати худро баҳри мухлисони намуди самбо нишон дода, медалҳои тилло, нуқра ва биринҷӣ ба даст оварданд.Варишгарон Шоҳрух Назаров дар вазни то 79кг медали нуқра, миёни наврасон, Анўшервон Назарзода дар вазни то 58кг, медали тилло, Абдулло Қурбонов дар вазни то 71кг, медали нуқра ва Муҳаммад Саидзода дар вазни то 64кг ба гирифтани медали биринҷӣ ноил гардиданд.Байни ҷавонон Мусохон Ғаниев дар вазни то 79кг, медали нуқра, Мусаниф Миробов дар вазни то 58кг, бо ҳамроҳи Умар Мирзоев дар вазни то 64кг ва Муҳсин Малаев дар вазни то 88кг ба гирифтани медалҳои биринҷӣ сазовор шуданд.Байни мардҳо Сорбон Латипов дар вазни то 64кг, Деваштич Убайдӣ дар вазни то 79кг, Зафар Олимшоев дар вазни то 88кг, Бахтовар Замиров дар вазни то 98 кг ва Бобоҷон Бобоев дар вазни +98кг с медалҳои биринҷӣ ба даст оварданд.
АКС аз манбаъҳои б
