ИСТИҚЛОЛ» – «АЛ-ДУҲАЙЛ»: 18-УМИ СЕНТЯБР НИШАСТИ МАТБУОТИИ ПЕШ АЗ БОЗӢ БАРГУЗОР МЕШАВАД
Ба таваҷҷуҳи намояндагони ВАО! 18 сентябр дар остонаи бозии даври аввали марҳилаи гурӯҳии Лигаи қаҳрамонҳои Осиё-2023/24 миёни дастаҳои «Истиқлол» (Тоҷикистон) ва «Ал-Дуҳайл» (Қатар) нишасти хабарӣ баргузор мешавад. Нишаст дар маҷлисгоҳи Варзишгоҳи марказии шаҳри Душанбе баргузор шуда, соати 18:00 оғоз мегардад.
Ба саволҳои рӯзноманигорон сармураббии дастаи «Ал-Дуҳайл» Эрнан Креспо ва яке аз бозигарони бошгоҳи қатарӣ, аз ҷониби «Истиқлол» сармураббии даста Игор Черевченко ва капитани тим Алишер Ҷалилов ҷавоб медиҳанд.
Пеш аз баргузории нишасти матбуотӣ рӯзноманигороне, ки дархостҳои худро пешниҳод кардаанд, метавонанд бейҷҳои аккредитатсионии худро гиранд. Ёдовар мешавем, ки дар рӯзи бозӣ ба намояндагони ВАО аккредитатсия дода намешавад!
